Հայ-բուլղարական տնտեսական կապեր
20/03/2026
Հայաստանում Բուլղարիայի հանրապետության նորանշանակ արտակարգ և լիազոր դեսպան Նիկոլա Նիկոլովը մարտի 19-ին առաջին պաշտոնական այցը կատարեց ՀՀ առևտրաարդյունաբերական պալատ: Բարձրաստիճան դիվանագետին պաշտոնավարման առիթով շնորհավորեց ՀՀ առևտրաարդյունաբերական պալատի նախագահ Մարտին Սարգսյանը և համառոտ ներկայացրեց միջպետական ջերմ հարաբերությունները, ինչին, ցավոք, զիջում են տնտեսական ցուցանիշները:
Բուլղարիան անդամակցում է Եվրոպական կարևոր կառույցներին: Գտնվելով Բալկանյան թերակղզում՝ սահմանակից է 5 պետությունների, ունի Սևծովյան նավահանգիստներ և հրաշալի հնարավորութնուններ հատկապես տուրիզմի զարգացման համար: Տասնամյակներ շարունակ Հայաստանի պղնձահումքի առաջատար ներկրողներից է Բուլղարիան։ Երկրի էկոնոմիկայում գյուղատնտեսությունը առաջատար ճյուղ է, որում համագործակցության չօգտագործված ներուժ կա։ Այս և այլ թեմաների վերաբերյալ ծավալվեց շահեկան զրույց, արվեցին կարևոր առաջարկություններ:
Դեսպան Նիկոլա Նիկոլովը շնորհակալություն հայտնեց ջերմ ու բարեկամական ընդունելության համար՝ միաժամանակ համոզմունք հայտնելով, որ դեսպանությունը ջանքեր կգործադրի եղած կապերն ամրապնելու և ծավալելու, Հայաստանի առևտրաարդյունաբերական պալատի զորակցությամը բիզնես գործակցությունը զարգացնելու:
Պարոն Մարտին Սարգսյանը, որպես միջպալատական մեկնարկային քայլ, կարևորեց համագործակցության հուշագրի ստորագումը, որով ուղենշվելու են անելիքները: Պայմանավորվածություն ձեռք բերվեց օգտագործելու Բուլղարիայի աշխարհագրական դիրքը, որպեսզի հայաստանյան գործարարները հեշտությամբ մուտք գործեն Եվրամիություն, իսկ Հայաստանի հնարավորությունները կարող եմ բուլղարները օգտագործել ԵԱՏՄ շուկա դուրս գալու համար։
Քննարկվել է պալատների մասնակցությամբ հայ-բուլղարական խորհուրդ ստեղծելու հնարավորությունը, որը ապագայում կիրականացնի անհրածեշտ քայլեր արդյունավետ կազմակերպելու բիզնես ֆորումներ, ցուցահանդեսներ և այլ գործարար ծրագրեր։
Կոտայքի մարզի ԱԱՊ խորհրդի անդամ Մասիս Սարգսյանը ներկայացրեց Կոտայքի ԱԱՊ-ի և գործընկերների նախաձեռնությամբ կենսաբազմազանության COP-17 շրջանակներում նախատեսվող զուգահեռ միջոցառումներին՝ «Ռիո Կոնվենցիաների» սիներգիայի օրակարգով։ Դեսպանը շահագրգիռ արձագանքեց առաջարկին և խնդրեց մանրամասն տեղեկություններ տրամադրել հարցի վերաբերյալ։
