Էկոնոմիկայի փոխնախարարն այցելել է ՀՀ առևտրաարդյունաբերական պալատ

21/09/2022

Սույն թվականի օգոստոսի 29-ին ՀՀ առևտրաարդյունաբերական պալատը հյուրընկալեց ՀՀ էկոնոմիկայի նախարարության նախարարի տեղակալ Արմեն Արզումանյանին։
 
Հանդիպմանը ներկա էր նաև արտահանում Հայաստանից փորձագետների ասոցիացիայի համահիմնադիր Կարեն Մարտիրոսյանը։
Կողմերը քննարկեցին նախարարության և պալատի միջև փոխգործակցության ակտիվացման հեռանկարները՝ մասնավորապես տնտեսական դիվանագիտության ինստիտուտի կայացման և զարգացման համատեքստում: Պայմանավորվածություն ձեռք բերվեց առաջիկայում իրականացնել համատեղ միջոցառում ՝ ներգրավելով շահառուների առավել լայն շրջանակ: