Ռուս-հայկական միջտարածաշրջանային համաժողով
09/06/2025
ՀՀ առևտրաարդյունաբերական պալատի անդամ ընկերություններից բաղկացած հայ գործարարների պատվիրակությունը մասնակցեց 10-րդ հոբելյանական ռուս-հայկական միջտարածաշրջանային համաժողովին:
ㅤ
2025 թվականի հունիսի 6-ին Հայաստանի Առևտրաարդյունաբերական պալատի նախագահի խորհրդական, Հայաստանի գործարար կանանց աջակցման հիմնադրամի նախագահ Լիլիա Գևորգյանի գլխավորությամբ գործարարների պատվիրակությունը մասնակցեց 10-րդ հոբելյանական ռուս-հայկական միջտարածաշրջանային համաժողովին:
ㅤ
Պատվիրակության ներկայացուցիչները մասնակցեցին հայ-ռուսական գործարար խորհրդի նիստին, ինչպես նաև B2B ձևաչափով բանակցություններին՝ Վոլգոգրադի մարզի գործարարների հետ։ Քննարկումների արդյունքում ձեռք բերվեցին նախնական պայմանավորվածություններ ապագա համատեղ նախագծերի իրականացման շուրջ՝ Ռուսաստանի «ОПОРА РОССИИ» կազմակերպության Վոլգոգրադի մարզային բաժնի կանանց ձեռնարկատիրության զարգացման կոմիտեի ղեկավարի հետ:
ㅤ
Սննդի արդյունաբերության, զբոսաշրջության, էներգետիկայի, կոսմետոլոգիայի և կենցաղային քիմիայի ոլորտի հայկական ընկերությունների ղեկավարներին հաջողվեց ստեղծել նոր համագործակցային կապեր Ռուսաստանի մի շարք տարածաշրջաններում և ձեռք բերել բիզնես համագործակցության նախնական համաձայնություններ:
