Ապրիլի 26-ին ՀՀ առևտրաարդյունաբեական պալատը, Գյումրիում, Գյումրու երիտասարդական պալատում կազմակերպել էր  «Երիտասարդ գործարարների շրջանում առկա խնդիրները» խորագիրը կրող կլոր-սեղան քննարկում Շիրակի մարզի երիտասարդ գործարարների համար: Հանդիպման սկզբում Պալատի գործառնական տնօրեն Վլադիմիր Ամիրյանը ներկայացրեց հանդիպման նպատակը և օրակարգը՝ ընդգծելով, որ երիտասարդ  գործարարները տնտեսական կյանքի հիմնական շարժիչ ուժերից մեկն են, և որ երիտասարդ գործարարների խնդիրները մշտապես գտնվում են պալատի օրակարգում: Միջազգային Մասնավոր Ձեռնարկատիրության Կենտրոնի հայաստանյան ներկայացուցիչ Լուիզա Այվազյանը ներկայացրեց կառույցի գործունեությունն աշխարհում և Հայաստանում: Պալատի ծրագրերի համակարգող Էդգար Մեհրաբյանը ներկայացրեց «Երիտասարդ ձեռնարկատիրությունը Հայաստանում. միջազգային փորձ և հեռանկարներ» թեմայով  ներկայացում:    Մասնակիցներից յուրաքանչյուրը ներկայացրեց իրենց բիզնեսին առնչվող խնդիրները, որոնք հիմնականում կապված էին՝    Հայաստանյան շուկայի փոքր չափերի Որակավորված մասնագետների (թե՛ բարձրագույն և թե՛ միջին մասնագիտական) պակասի ՏԻՄ-երի բիզնեսին ցուցաբերվող ոչ բավարար աջակցություն և ոչ արդյունավետ երկխոսության Գիտելիքների և կարողությունների պակասի Հումքի աղբյուներ գտնելու և լոգիստիկայի Տարածքային համաչափ զարգացման և պլանավորման Արժութային տատնումներից առաջացող ռիսկերի Մի շարք ոլորտներում օրենսդրական բացերի հետ  Հանդիպման ավարտին պարոն Ամիրյանը ևս մեկ անգամ շնորհակալություն հայտնեց ներկաներին ակտիվ քննարկման համար և հավաստիացրեց, որ Պալատը  կներկայացնի առաջ քաշված խնդիրները պետություն-մասնավոր հատված երկխոսության համապատասխան  հարթակներում: