Դեկտեմբերի 12-ին հեռավար ռեժիմով կայացավ Անկախ Պետությունների Համագործակցության անդամ երկրների առևտրաարդյունաբերական պալատների ղեկավարների խորհրդի 21-րդ նիստը, որին մասնակցեցին ՀՀ առևտրաարդյունաբերական պալատի նախագահ Մարտին Սարգսյանը և փոխնախագահ Կարեն Իվանովը:

Քանի որ 2022 թվականին ԱՊՀ անդամ երկրների ԱԱՊ ղեկավարների խորհրդում նախագահում էր ՀՀ առևտրաարդյունաբերական պալատը, ուստի ընդհանրական ելույթով հանդես եկավ ՀՀ ԱԱՊ  նախագահ Մարտին Սարգսյանը, ով ներկայացրեց օրակարգային հարցերի վերաբերյալ իր դիտարկումները և առաջարկությունները: Նա մասնավորապես կարևորեց միասնական կայքէջի ստեղծումը, որով հնարավոր կլինի առավել արդյունավետ ու համագործակցված ներկայանալ ինչպես ներքին, այնպես էլ արտաքին շուկաներում:

Քննարկվեցին հատկապես արտահանման, փոքր և միջին ձեռնարկատիրության զարգացման, բիզնես կապերը խորացնելու, նորարարության աջակցման, կլաստերային ու կոոպերացիոն կապերի զարգացմանը վերաբերող բազմաթիվ հարցեր: