Հայաստան-Էկվադոր տնտեսական կապեր
29/11/2022
Հայաստանում Էկվադորի Հանրապետության արտակարգ և լիազոր դեսպան Խուան Ֆերնանդես Հոլգին Ֆլորենսը և Պատվո հյուպատոս Վահե Դարբինյանը նոյեմբերի 28-ին այցելեցին ՀՀ առևտրաարդյունաբերական պալատ։ Նշվեց, որ Էկվադորը 17 մլն բնակչությամբ գյուղատնտեսական երկիր է: Գլխավոր մշակաբույսերն են ադամաթուզը (արտահանման ծավալով առաջինն է աշխարհում), սուրճը, կակաոն, բրինձը, մշակում են նաև հացահատիկային բույսեր, բանջարեղեն, շաքարեղեգ, բամբակենի և այլն: Զբաղվում են նաև անասնապահությամբ և ձկնորսությամբ: Արդյունահանում են հատկապես նավթ, նաև պղինձ, կապար, ոսկի, արծաթ, ցինկ: Կան նաև սննդի, տեքստիլ արդյունաբերության ձեռնարկություններ: «Թեև Էկվադորն ու Հայաստանը արտահանման և ներկրման շատ ապրանքատեսակներ ունեն, բայց այսօր առևտրաշրջանառությունը շատ ցածր մակարդակի վրա է։ Խնդիրը հատկապես լոգիստիկ դժվարություններն են, փոխադարձ ճանաչողությունը, տեղեկատվական բազայի ստեղծումը և համագործակցության ներուժի արդյունավետ օգտագործումը»,- նշել է ՀՀ առևտրաարդյունաբերական պալատի գործադիր տնօրեն Անդրանիկ Ալեքսանյանը։ «Հայաստան հիմնականում արտահանում ենք բանան և ծաղիկներ, իսկ էկվադորյան շուկան հայաստանյան բազմաթիվ ապրանքների կարիքն ունի»,- նշել է դեսպան Խուան Ֆերնանդես Հոլգին Ֆլորենսը։
Երկուստեք այն մտագությունն արտահայտեցին, որ առևտրաշրջանառությունը ավելացնելու համար հարկավոր է Հայաստանի միջոցով դուրս գալ երրորդ երկրներ և իրականացնել համատեղ ծրագրեր։ Պարոն Ալեքսանյանը, որպես մեկնարկային քայլ, կարևորել է հատկապես երկու պալատների միջև, որպես ծրագրային ուղեցույց, համագործակցության հուշագրի ստորագրումը։