2026 թվականի օգոստոսին Բուլղարիայի առևտրաարդյունաբերական պալատում ստորագրվել է փոխըմբռնման հուշագիր՝ Բուլղարիայի առևտրաարդյունաբերական պալատի և Հայաստանի առևտրաարդյունաբերական պալատի միջև։

Հուշագրի շրջանակում կողմերը համաձայնության են եկել ստեղծել գործարար խորհուրդ, որը կնպաստի երկու երկրների գործարար համայնքների միջև առավել սերտ համագործակցության ձևավորմանն ու համատեղ նախաձեռնությունների իրականացմանը։

Կողմերը պայմանավորվել են աջակցել միմյանց՝ Հայաստանի և Բուլղարիայի միջև գործարար, առևտրատնտեսական և ներդրումային կապերի ամրապնդման և ընդլայնման գործում, ինչպես նաև խթանել երկու երկրների ընկերությունների միջև նոր գործընկերությունների, գործարար կապերի և համատեղ ծրագրերի ձևավորումը։

Հուշագրի նպատակն է խորացնել երկու պալատների և դրանց ներկայացուցիչների համագործակցությունը՝ նպաստելով երկկողմ տնտեսական հարաբերությունների զարգացմանը և գործարար միջավայրերի միջև կապերի ակտիվացմանը։

Փաստաթուղթը ստորագրվել է Բուլղարիայի առևտրաարդյունաբերական պալատի նախագահ Ցվետան Սիմեոնովի և Հայաստանի առևտրաարդյունաբերական պալատի փոխնախագահ Կարեն Իվանովի կողմից՝ Բուլղարիայի Հանրապետության արտակարգ և լիազոր դեսպան Նիկոլա Նիկոլովի ներկայությամբ։