ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌԵՎՏՐԱԱՐԴՅՈՒՆԱԲԵՐԱԿԱՆ ՊԱԼԱՏ

Facebook

Twitter

Linkedin

Youtube

Search
 

Կոտայքի ԱԱՊ 6-րդ համագումարը

Կոտայքի ԱԱՊ 6-րդ համագումարը

Դեկտեմբերի 19-ին Ծաղկաձորում տեղի ունեցավ ՀՀ առևտրաարդյունաբերական պալատի Կոտայքի մարզային պալատի 6-րդ արտահերթ համագումարը: Նիստը նախագահող Աշոտ Օհանյանը հետաքրքիր էքսկուրսով ներկայացրեց Հայաստանում առևտրաարդյունաբերական պալատի, մասնավորապես Կոտայքի կառույցի  հիմնադրման պատմությունը: Այս թեման իր ողջույնի խոսքում տրամագծորեն շարունակեց ՀՀ առևտրաարդյունաբերական պալատի նախագահ Մարտին Սարգսյանը, ով մասնավորապես երախտագիտության խոսք ասաց Կոտայքի պալատի հիմնադիր նախագահ Գեորգի Նանյանի վերաբերյալ՝ արժևորելով ու գնահատելով նվիրյալ քաղաքացու և հրաշալի ընկերոջ վաստակը: Պարոն Սարգսյանը գոհունակությամբ նշեց, որ Հայաստանի առևտրաարդյունաբերական պալատը այսօր անդամակցում է միջազգային տարբեր կառույցների, այդ թվում՝ Մետաքսի ճանապարհի միջազգային առևտրի պալատին, որից լուրջ ակնկալիքներ ունենք: Պարոն Սարգսյանը հատկապես կարևորեց տնտեսական բարենորոգումների այս էտապում մարզային պալատների դերն ու նշանակությունը:

Կոտայքի ԱԱՊ հիմնադիր նախագահ Գեորգի Նանյանը հիշեցրեց, թե ինչ դժվարին պայմաններում ձևավորվեց ՀՀ առևտրաարդյունաբերական պալատը:

Այնուհետև «Կոտայքի մարզային պալատի զարգացման հիմնադրույթները» ծրագրային ելույթով հանդես եկավ Սամվել Հովակիմյանը: Խոսելով Հայաստանի տնտեսական բարենորոգման հիմնադրույթներից՝ պարոն Հովակիմյանը ներկայացրեց Կոտայքի առևտրաարդյունաբերական պալատի վերակառուցման գաղափարական խնդիրները՝ լուծման գործում ակնկալելով ոչ միայն հանրապետական, այլ նաև միջազգային կառույցների  զորակցությունը:

Որպես տարածքային զարգացման լոկոմոտիվի՝ մարզային պալատների դերի և նրանց գործունեությունը ակտիվացնելու խնդիրների վերաբերյալ  հանրապետության տնտեսական զարգացման ընդհանրական հեռապատկերին անդրադարձավ  Մասիս Սարգսյանը:

Արամ Գաբրիելյանը անդրադարձավ հանրային-մասնավոր համագործակցության համատեքստում համայնքների զարգացման հեռանկարին՝ դրանում մասնավորելով Կոտայքի պալատի առանձին անելիքները:

Այնուհետև կայացավ Կոտայքի առևտրաարդյունաբերական պալատի նախագահության նոր կազմի, նախագահի և տեղակալի ընտրություն: Կոտայքի առևտրաարդյունաբերական պալատի նախագահ ընտրվեց Սամվել Հովակիմյանը, նախագահի տեղակալ՝ Աշոտ Օհանյանը:

Ամփոփելով համագումարի աշխատանքը՝ ՀՀ առևտրաարդյունաբերական պալատի նախագահ Մարտին Սարգսյանը շնորհավորեց Կոտայքի պալատի նորընտիր նախագահին, տեղակալին ու նախագահության անդամներին և համոզմունք հայտնեց, որ այս փոփոխությունները լրջագույն ազդակ կդառնան հիշյալ պալատը դարձնելու մարզի տնտեսական բարեփոխումների լոկոմոտիվը:

hacklink al hacklink hack forum crack forum php shell indir siber güvenlik blog wordpress nulled themestotobobayilik.netpornoinstagram beğeni satın altiktok takipçi satın alAnkara Evden Eve Nakliyatfutbol oyunlarıvideo porno xxxvideo porno italianisiber güvenlik blogdireksiyon dersismm panelankara web tasarımbursa kamera sistemleriçatı muayenesi nasıl yapılırmum büyüsüberhetiye duası