Հարցում իրականացնելու մրցույթ
Հարցում իրականացնելու մրցույթ Ազգային բիզնես հետազոտության համար
Դիմելու Վերջնաժամկետը՝ 10.01.2021թ., ժամը 23:59
Հայաստանի առևտրաարդյունաբերական Պալատը «Հայաստան. մասնավոր հատվածի հզորացում՝ ի նպաստ ժողովրդավարական բարեփոխումների» ծրագիրի շրջանակում հայտարարում է հարցում իրականացնելու մրցույթ Ազգային բիզնես հետազոտության համար:
ՀՀ առևտրաարդյունաբերական պալատը նախատեսում է իրականացնել հարցում Հայաստանյան գործարար համայնքի ներկայացուցիչների շրջանակներում նրանց կարիքների և առաջնահերթությունների՝ ներառյալ կոռուպցիայի դեմ պայքարի վերաբերյալ հարցերի մասին առավել ընդգրկուն պատկերացում կազմելու նպատակով: Հարցումը ներառելու է Հայաստանյան բիզնես համայնքի առջև ծառացած ամենաարդիական հետևյալ խնդիրները՝
- պատերազմի ազդեցության գնահատում
- COVID 19-ով պայմանավարված համավարակի ազդեցության գնահատում,
- օրենսդրական փոփոխությունների առաջարկների բացահայտումը/վերհանումը,
- կոռուպցիոն դրսևորումների վերաբերյալ գործարար համայնքի ընկալումները,
- պետական աջակցության ծրագրերի արդյունավետության գնահատումը
Ո՞վ կարող է Դիմել
Մրցույթին կարող են դիմել Հայաստանում գրանցված և գործունեություն ծավալող ձեռնարկություններ և անհատ ձեռնարկատերեր: Հետազոտական ընկերությունը պետք է ունենա վերոնշյալ աշխատանքների կատարման առնվազն 1 տարվա փորձ:
Դիմելու ընթացակարգ
Հետաքրքրված դիմորդները պետք է ներկայացնեն հետևյալ փաստաթղթերը՝
- Նախկինում իրականացված նմանատիպ առնվազն 2 ավարտուն աշխատանք (հավաստող փաստաթղթերը),
- Հետազոտության համար պատասխանատուի (ների) աշխատանքային CV-ները,
- Գնային առաջարկ
Նախքան դիմելը խնդրում ենք մանրամասն ծանոթանալ Տեխնիկական առաջադրանքի (ToR) և հարցաթերթի բովանդակությանը.
Տեխնիկական առաջադրանք
Հարցաթերթ
Հայտերի ներկայացման վերջնաժամկետն է 2021 թվականի հունվարի 10-ը: Հայտերը պետք է լրացնել անցնելով ստորև տեղադրված հղումով՝ https://forms.gle/PzGNRmJLhzk4jnxR9: Դիմելու ընթացակարգի հետ կապված հարցերի դեպքում կարող եք գրել էլ. նամակ ՀՀ առևտրաարդյունաբերական պալատի ծրագրերի համակարգող Էդգար Մեհրաբյանին (emehrabyan@armcci.am) :
Ակնկալվող արդյունքներ
- Նախապես մշակված ստանդարտացված հարցաթերթի միջոցով իրականացնել հարցումներ նվազագույնը 400 ձեռնարկությունների շրջանակում, որոնք գրանցված են և գործունեություն են ծավալում ՀՀ տարածքում:
- Ապահովել հարցումների իրականացման տարածքային բաշխվածություն 50%(մարզեր) : 50% (Երևան) համամասնությամբ, ըստ որում յուրաքանչյուր մարզում իրականացված հարցումների քանակը պետք է կազմի նվազագույնը 15 հարցում
- Հարցաթերթերի պատասխանների էլեկտրոնային բազան Excel և/կամ SPSS ֆորմատով պետք է ներկայացվեն ՀՀ առևտրաարդյունաբերական պալատ:
Հարցումները պետք է իրականացվեն ձեռնարկություններ այցելությունների, հեռախոսազանգերի/տեսազանգերի և/կամ էլեկտրոնային հարթակների միջոցով, ընդ որում հեռախոսազանգով և էլեկտրոնային հարթակներով իրականացված հարցումների գումարային թիվը ընդհանուր հարցումների թվում չպետք է գերազանցի 320-ը:
Բյուջե
Հարցման իրականացման առավելագույն բյուջեն 2 500 000 ՀՀ դրամ է /հարկերը ներառյալ/։
Ժամկետ
40-50 օրացուցային օր՝ պայմանագիրը կնքելու օրվանից
«Հայաստան. մասնավոր հատվածի հզորացում՝ ի նպաստ ժողովրդավարական բարեփոխումների» ծրագիրն իրականացվում է ՀՀ առևտրաարդյունաբերական Պալատի և Կորպորատիվ կառավարման կենտրոնի կողմից Միջազգային մասնավոր ձեռնարկատիրության կենտրոնի ֆինանսական աջակցությամբ: Ծրագրի հիմնական նպատակներն են՝
- Բարձրացնել բիզնես անդամակցության վրա հիմնաված հայաստանյան կազմակերպությունների դերը տնտեսական քաղաքականության մշակման և որոշումների կայացման գործընթացում
- Ամրապնդել հայաստանյան գործարար համայնքի ներսում կոռուպցիայի դեմ պայքարի և հակակոռուպցիոն համապատասխանության ստանդարտներին վերաբերող ընկալումները և բարձրացնել իրազեկվածություն մակարդակը: