Կոռուպցիայի դեմ պայքար
ՀՀ առևտրաարդյունաբերական պալատը, լինելով գործարարությանն աջակցող և գործարարության շահերը ներկայացող կառույց, որդեգրել է հստակ և թափանցիկ արժեքներ, որոնց հետևելով կարելի է նպաստել գործարարության կայուն զարգացմանը և վերջնարդյունքում՝ երկրի տնտեսական աճին:
Մեր արժեքներն են ՝
- Ազնվություն
- Պատասխանատվություն
- Հավասարություն
- Հակակոռուպցիոն համապատասխանություն
- Հաշվետվողականություն
- Թափանցիկություն
Առևտրաարդյունաբերական պալատների համակարգի մասնակիցները, իրենց անդամ կազմակերպությունները, խորհրդի, հանձնաժողովների անդամները, արտասահմանյան ներկայացուցիչները, Պալատի կողմից հիմնադրված կազմակերպությունները և դրանց աշխատակիցնրը ընդունում են սույն արժեքները ու հետևում են վերոնշյալ արժեքներին:
Հավատարիմ մնալով իր արժեքներին՝ Պալատը աջակցում է տեղական ընկերություններին կոռուպցիայի դեմ պայքարում մասնավորապես՝
- Օգնում է ՓՄՁ սուբյեկտներին ներդնել կոռուպցիայի դեմ պայքարի արդյունավետ մեխանիզմներ
- Մշակվել է «Գործարար էթիկայի և հակակոռուպցիոն ուղեցույց ձեռնարկությունների համար» և դրան կից «Հակակոռուպցիոն կանոնակարգի օրինակելի ձև ՓՄՁ-ների համար»:
- Ձևավորվում է հակակոռուպցիոն Հռչակագիր, որին կարող են անդամակցել ՀՀ-ում գործունություն ծավալող ձեռնարկությունները: Ձեռնարկությունները՝ ստորագրելով և վավերացնելով Հռչակագիրը, արտահայտում են իրենց անհանդուրժողականությունը կոռուպցիայի ցանկացած դրսևորման նկատմամբ:
Պալատը՝ որպես գործարարությանն աջակցող կառույց, խրախուսում է, որ ՀՀ-ում գործունեություն ծավալող բոլոր սուբյեկտները ընդունեն հակակոռուպցիոն համապատասխանության կանոնակարգեր և հետևեն Պալատի կողմից որդեգրած արժեքներին: