ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌԵՎՏՐԱԱՐԴՅՈՒՆԱԲԵՐԱԿԱՆ ՊԱԼԱՏ

Facebook

Twitter

Linkedin

Youtube

Search
 

ՀՀ առևտրաարդյունաբերական պալատի նախագահ Մարտին Սարգսյանի շնորհավորական ուղերձը

ՀՀ առևտրաարդյունաբերական պալատի նախագահ Մարտին Սարգսյանի շնորհավորական ուղերձը

Սիրելի բարեկամներ, ամեն ավարտվող տարի ակամա տրամադրում է մտածելու, թե անցնողը ինչ տվեց, իսկ գալիքն ինչ է բերելու: Հանրագումարը իր հերթին, բայց առավել կարևորն այն է, թե եղածին ինչ ենք ավելացնելու, մի նոր քայլով ինչպես ենք առավել շենացնելու մեր Հայրենիքը, ինչպես հզորացնենք մեր պետությունը… Դա ոչ միայն հայաստանցիներիս, այլև աշխարհի 10 միլիոնից ավելի հայության բաղձալի երազն է: Ուրախանանք ամեն մի փոքրիկ ձեռքբերումով, որովհետև ամենաերկար ճանապարհն էլ սկսվում է առաջին քայլից:

Սիրելի գործարարներ, երկիրը շենացնելու առաջին զինվորը դուք եք, և պայքարն այսօր տնտեսական դաշտում է: Նոր ներդրումներ են անհրաժեշտ, նոր աշխատատեղեր, որ հանապազօրյա հացի համար հայաստանցին չհեռանա Հայրենիքից, իր երկրում աշխատանք ունենա ու արժանապատիվ ապրի: Դեռ ավելին, այնպես պետք է շենացնենք մեր պետությունը, որ դրսում բախտ ու ճակատագիր որոնող հայը Հայաստան գա: Սա է մեր սրբազան առաքելությունը՝ բարձր պահել հայ գործարարի հազարամյա բարի համբավը:

Սիրելի հայրենակիցներ, ամենաջերմ մաղթանքներով շնորհավորում եմ բոլորիդ Ամանորն ու Սուրբ Ծնունդը, մաղթում առողջություն, արևշատություն և նվիրական հույս ու հավատ գալիք լավ օրերի հանդեպ: Աստված զորավիգ բոլորիս:

 Շնորհավոր Ամանոր և Սուրբ Ծնունդ…

                        ՄԱՐՏԻՆ  ՍԱՐԳՍՅԱՆ

   ՀՀ առևտրաարդյունաբերական պալատի նախագահ