ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌԵՎՏՐԱԱՐԴՅՈՒՆԱԲԵՐԱԿԱՆ ՊԱԼԱՏ

Facebook

Twitter

Linkedin

Youtube

Search
 

«Արտահանման որակի կառավարումը գինու ոլորտում» թեմայով աշխատաժողով

«Արտահանման որակի կառավարումը գինու ոլորտում» թեմայով աշխատաժողով

Դեկտեմբերի 10-ից 11-ը ՀՀ առևտրաարդյունաբերական պալատի ներկայացուցիչներ Մարիա Թորոսյանը և Էդգար Մեհրաբյանը մասնակցեցին Վրաստանի Թբիլիսի քաղաքում կայացած «Արտահանման որակի կառավարումը գինու ոլորտում» թեմայով աշխատաժողովին: Միջոցառումը կազմակերպվել էր  «Գերմանիայի ֆիզիկատեխնոլոգիական համալսարանը Հարավային Կովկասում» ծրագրի շրջանակներում՝ Գերմանիայի ֆիզիկատեխնոլոգիական համալսարանի (PTB)  և Առևտրի միջազգային կենտրոնի (ITC)  կողմից: Միջոցառմանը մասնակցում էին Առևտրաարդյունաբերական ալատների, ասոցիացիաների և բիզնեսին աջակցող այլ կազմակերպությունների ներկայացուցիչներ Հայաստանից, Վրաստանից  և Ադրբեջանից: Աշխատաժողովի ընթացքում քննարկվեցին գինու արտահանման ոլորտի տեխնիկական չափանիշները, մակնշման,  HACCP համակարգի (Hazard analysis and critical control points, վտանգի վերլուծության և հսկման կրիտիկական կետեր), Global GAP(Good agricultural practice, պատշաճ գյուղատնտեսական պրակտիկա) համակարգի, ստանդարտների, կայուն զարգացման,  ենթակառուցվածքների հետ կապված հարցեր: Պալատի ներկայացուցիչ Մարիա Թորոսյանը ներկայացրեց ՀՀ առևտրաարդյունաբերական պալատի գործունեությունը մասնավորապես արտահանմանն աջակցության համատեքստում:  Միջոցառման ավարտին մասնակիցներին հանձնվեցին հավաստագրեր: