ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌԵՎՏՐԱԱՐԴՅՈՒՆԱԲԵՐԱԿԱՆ ՊԱԼԱՏ

Facebook

Twitter

Linkedin

Youtube

Search
 

Գործարար պատվիրակության այց Իրան

Գործարար պատվիրակության այց Իրան

Նոյեմբերի 27-ից դեկտեմբերի 2-ը ՀՀ Առևտրաարդյունաբերական պալատի նախագահ Մարտին Սարգսյանի  գլխավորությամբ կայացավ գործարար պատվիրակության  այց Իրանի Իսլամական Հանրապետություն:

 Պատվիրակության կազմում ներգրավված էին երեք տասնյակից ավելի գործարար, որոնք ներկայացնում էին արտադրության, ներմուծման, արտահանման, կրթության, բժշկության և զբոսաշրջության ոլորտները: Այցը կայացավ ՀՀ ԱԱՊ նախագահի խորհրդական, Գործարար կանանց աջակցման հիմնադրամի նախագահ  Լիլիա Գևորգյանի նախաձեռնությամբ: Պատվիրակության կազմում էին նաև Գործարար կանանց աջակցման հիմնադրամի հետ երկար տարիներ համագործակցող, Ռուսաստանի Դաշնությունը ներկայացնող գործարար կանայք և հասարակական կազմակերպությունների ղեկավարներ:

Այցի շրջանակներում տեղի ունեցան գործարար համաժողով և B2B ձևաչափով  հանդիպումներ: Բացման խոսքով հանդես եկավ ՀՀ ԱԱՊ նախագահ Մարտին Սարգսյանը: ԻԻՀ Առևտրաարդյունաբերական պալատի հրավերով իրանական կողմից համաժողովին մասնակցեցին ավելի քան 150 գործարար կին:

 Ստորագրվեցին եռակողմ համագործակցության հուշագիր Թեհրանի գործարար կանանց ասոցիացիայի, ՀՀ Առևտրաարդյունաբերական պալատի և Գործարար կանանց աջակցման հիմնադրամի միջև, ինչպես նաև եռակողմ  համագործակցության հուշագիր Վրաստանի, Իրանի և Հայաստանի Հանրապետության առևտրաարդյունաբերական պալատների միջև: