ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌԵՎՏՐԱԱՐԴՅՈՒՆԱԲԵՐԱԿԱՆ ՊԱԼԱՏ

Facebook

Twitter

Linkedin

Youtube

Search
 

Հարավաֆրիկյան Հանրապետություն-Հայաստան

Հարավաֆրիկյան Հանրապետություն-Հայաստան

Դեկտեմբերի 4-ին Հայաստանում  Հարավաֆրիկյան Հանրապետության նորանշանակ դեսպան Անդրե Յոհաննես Գրոենեվալդը այցելեց ՀՀ առևտրաարդյունաբերական պալատ: Դեսպանի այցի նպատակն էր տեղեկանալ Հայաստանի բիզնես մթնոլորտի, ներդրումային դաշտի և գործակցության հնարավոր ոլորտներում տնտեսական կապերը զարգացնելու  հնարավորություններին:

   ՀՀ ԱԱՊ գործադիր տնօրեն Անդրանիկ Ալեքսանյանը, պատասխանելով դեսպանին հետաքրքրող հարցերին, մասնավորապես նշեց, որ երկու երկրների համագործակցության ավանդական ոլորտը հիմնականում ադամանդագործությունն ու ոսկեգործությունն է: Պարոն Ալեքսանյանը նաև հավելեց, որ գործակցության  բավարար դաշտ կա նաև տուրիզմի, տեքստիլ արդյունաբեոթյան, բարձր տեխնոլոգիաների, վերամշակող  սննդարդյունաբերության և այլ ոլորտներում: Նա մասնավորեց, որ  Հայաստանը օգտվում է նաև արտահանման GSP և GSP+ արտոնյալ ռեժիմներից, ինչի շնորհիվ Հարավաֆրիկյան Հանրապետության գործարարները Հայաստանով կարող են դուրս գալ ԵԱՏՄ և Եվրամիության մեծ շուկաները:

   ՀՀ ԱԱՊ գործառնական տնօրեն Վլադիմիր Ամիրյանը նշեց, որ նպատակահարմար է կազմակերպել զբոսաշրջային հատուկ տուրեր, որոնց շնորհիվ հատկապես կակտիվանան փոխադարձ ճանաչողությունը, անմիջական շփումները և փոխվստահության երաշխիքները, որոնք նաև լրացուցիչ խթան կդառնան բիզնեսի այլ ոլորտների համար: Որպես համագործակցության առաջնային քայլերից մեկը՝ պարոն Ամիրյանը կարևորեց նաև ադամանդագործության և ոսկեգործության ոլորտում ուսուցողական դասընթացների կազմակերպումը՝ նկատի ունենալով հայ բարձրակարգ մասնագետների փորձն ու գիտելիքները:

   Երկուստեք հավանություն տրվեց երկու երկրների առևտրաարդյունաբերական պալատների միջև համագործակցության հուշագրի ստորագրման և Հայաստանում հյուպատոս ունենալու հարցերին: