ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌԵՎՏՐԱԱՐԴՅՈՒՆԱԲԵՐԱԿԱՆ ՊԱԼԱՏ

Facebook

Twitter

Linkedin

Youtube

Search
 

Գործարար պատվիրակության այց Էստոնիա

Գործարար պատվիրակության այց Էստոնիա

ՀՀ առևտրաարդյունաբերական պալատը և Էստոնիայի առևտրաարդյունաբերական պալատի հետ համատեղ նոյեմբերի 11-ին կազմակերպել են գործարար պատվիրակության այց Էստոնիայի մայրաքաղաք Տալլին։Նոյեմբերի 12-ին հայկական գործարար պատվիրակությունը, ՀՀ առևտրաարդյունաբերական պալատի գործադիր տնօրեն Անդրանիկ Ալեքսանյանի գլխավորությամբ հանդիպել է Էստոնիայի առևտրաարդյունաբերական պալատի տնօրեն Մաիթ Փալթսի հետ։ Ներկայացվել է Էստոնիայի ԱԱՊ գործունեությանը, տնտեսության և գործարար միջավայրի նկարագիրը, կայացել են հանդիպումներ համապատասխան ենթակառուցվածքների հետ։

Նոյեմբերի 13-ին մեկնարկել է հայ-էստոնական գործարար համաժողովը։ Համաժողովին ներկա են գտնվել Էստոնիայի առևտրաարդյունաբերական պալատի տնօրենը և արտաքին գործերի նախարարության ներկայացուցիչը։ Վերջինս, ներկայացնելով հայ-էստոնական տնտեսական հարաբերությունները, դրանցում աճի միտում է նկատել և ընդգծել է նման միջոցառումների կազմակերպման կարևորությունը այս հարցում։

Գործարար համաժողովի ընթացքում ՀՀ առևտրաարդյունաբերական պալատի տնօրեն Ա․Ալեքսանյանը և փոխնախագահ Հ․Հայրապետյանը Էստոնիայի գործընկերներին և գործարարներին են ներկայացրել Հայաստանում գործարար հնարավորությունները և դրանց նկարագիրը, ինչպես նաև Էստոնիա ժամանած պատվիրակությունը ներկայացնող ընկերություններին։

Կազմակերպվել են նաև B2B ֆորմատով հանդիպումները, որոնց ընթացքում մեծ թվով էստոնական ընկերություններ իրենց հետաքրքրությունն են դրսևորել հայկական շուկայի և ժամանած ընկերությունների ոլորտներում։ Էստոնիայի և Հայաստանի աևտրաարդյունաբերական պալատների միջև կնքվել է փոխըմբռնման հուշագիր։

Հիշեցնենք, որ հայ-էստոնական գործարար համաժողովը կազմակերպվել է երկու երկրների առևտրաարդյունաբերական պալատների համագործակցության շրջանակներում և նպատակ ունի ընդլայնելու երկու երկրների միջև գործարար կապերը և նպաստելու առևտրաշրջանառության ծավալների աճին։ Միջոցառմանը մասնակցող գործարարների հիմնական մասը ներկայացնում են ՏՏ, զբոսաշրջության, մեքենաշինության և սննդի արտադրության ոլորտները։