Հայ-կորեական գործարար համաժողով

Հոկտեմբերի 19-ին  Երևանի «Արմենիա Մարիոթ» հյուրանոցի «Արարատ 1» սրահում տեղի ունեցավ հայ-կորեական գործարար համաժողով, որը կազմակերպել էին Հայաստանի առևտրաարդյունաբերական պալատը և Հայաստանում Կորեայի դեսպանության առևտրային ներկայացուցչությունը (Նստավայրը՝ Մոսկվա): Համաժողովի նպատակն էր Կորեական արտադրանքը ներկայացնել հայկական  շուկային և Հայաստանում գտնել գործընկերներ հետագա համագործակցության համար:

Ֆորումին մասնակցում էին 9 կորեական ընկերություններ կոսմետիկայի, դռների էլեկտրոնային փականների, գազի կաթսաների, բիոհավելումների և այլ ոլորտներից:

B2B  ձևաչափով հանդիպումներն էլ հնարավորություն տվեցին գործարարներին  ծանոթանալ միմյանց հնարավորություններին, ապրանքատեսակներին, գործակցության հնարավորություններին, ինչպես նաև փոխանակել  անհրաժեշտ տեղեկատվություն:  Մի քանի ընկերությունների ներկայացուցիչներ ձեռք բերեցին նախնական պայմանավորվածություն հետագա հանդիպումների և համատեղ ծրագրերի վերաբերյալ:

Հանդիպմանը մասնակցեցին նաև Հայաստանում Կորեայի արտակարգ և լիազոր դեսպան ՈԻ Յուն-Գըն-ը  և ՀՀ առևտրաարդյունաբերական պալատի գործադիր տնօրենի Ժ.Պ. Արայիկ Վարդանյանը: