ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌԵՎՏՐԱԱՐԴՅՈՒՆԱԲԵՐԱԿԱՆ ՊԱԼԱՏ

Facebook

Twitter

Linkedin

Youtube

Search
 

Հայ–եգիպտական կապեր

Հայ–եգիպտական կապեր

ՀՀ առևտրաարդյունաբերական պալատը Հայաստանի արդյունաբերողների և գործարարների (գործատուների) միության և Զարգացման հայկական գործակալության հետ համատեղ  կազմանակերպել էին Հայ–եգիպտական բիզնես ֆորում, որին մասնակցեցին  Եգիպտոսի Արաբական Հանրապետության տարբեր ոլորտները ներկայացնող ընկերությունների ղեկավարներ, գործարարներ։ Կայուն զարգացման եգիպտական խորհրդի գործարարները հայ գործընկերներին ներկայացրեցին քաղաքացիական ավիացիայի, անշարժ գույքի զարգացման և կառավարման, զբոսաշրջության, ներդրումային, նավթի և բնական գազի արտահանման,արդյունաբերական զարգացման և այլ ոլորտներում ձեռք բերած նվաճումները և համագործակցության պատրաստակամությունը։

ՀՀ առևտրաարդյունաբերական պալատի նախագահության անդամ, Երևանի առևտրաարդյունաբերական պալատի նախագահ Անդրանիկ Ալեքսանյանը նշեց, որ տնտեսական կապերը զիջում են բարեկամականին, և չօգտագործվող ներուժը կարող է լրջորեն խթանել համագործակցությանը։ Հայաստանը միաժամանակ կարող է Եգիպտոսի համար դառնալ տնտեսական կամուրջ Մաքսային Միության անդամ երկրների հետ գործակցելու։

Արդյունաբերողների և գործարարների (գործատուների) միության գործադիր տնօրեն Էդուարդ Կիրակոսյանը ողջունեց բիզնեսին առնչվող երեք կազմակերպությունների ուժերի համախմբումը, ինչը կբարձրացնի ցանկացած միջոցառման արդյունավետությունը։

Զարգացման Հայկական Գործակալության գլխավոր տնօրեն Ռոբերտ Հարությունյանը շնորհանդեսով ներկայացրեց Հայաստանի գործարար մթնոլորտը և տնտեսության զարգացման ռազմավարությունը։

Գործարարները կլոր սեղանների միջոցով անհրաժեշտ տեղեկատվություն ստացան, պայմանավորվածություններ ձեռք բերվեցին, որոնց մի մասը հետագայում դառնալու է կոնկրետ ծրագիր։