ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌԵՎՏՐԱԱՐԴՅՈՒՆԱԲԵՐԱԿԱՆ ՊԱԼԱՏ

Facebook

Twitter

Linkedin

Youtube

Search
 

ՊԱՆԱՐՄԵՆԻԱՆ – 2015

ՊԱՆԱՐՄԵՆԻԱՆ – 2015

      Հոկտեմբերի 8–ին «ԵՐԵՎԱՆ ԷՔՍՊՈ» կենտրոնում բացվեց ավանդական  «ՊԱՆԱՐՄԵՆԻԱՆ ԷՔՍՊՈ–2015» ցուցահանդեսը, որին մասնակցում էր ՀՀ վարչապետ Հովիկ Աբրահամյանը։ Բացման խոսքում ՀՀ առևտրաարդյունաբերական պալատի նախագահ Մարտին Սարգսյանը համակողմանի արժևորեց միջազգային այս կարևորագույն ցուցահանդեսը՝        «Սիրելի բարեկամներ, սրտանց շնորհավորում եմ «ՊԱՆԱՐՄԵՆԻԱՆ ԷՔՍՊՈ–2015» ցուցահանդեսի մասնակիցներին, հյուրերին և բոլորիս, որովհետև այն նվիրված է մեր սիրելի մայրաքաղաքի՝ Էրեբունի–Երևանի 2797 –ամյա հոբելյանին։

     Դեռևս վաղնջական ժամանակներից հայ մարդու հրաշագործ մտքի ու ոսկեղենիկ ձեռքի արտադրանքը հատկապես հանրահայտ Մետաքսի մեծ ճանապարհով Արևմուտքն ու Արևելքն էր հիացնում, ինչի մասին հնագույն պատմիչները և  ճանապարհորդները հպարտությամբ էին հիշատակում… Իսկ այսօր Հայոց բեզնեսը մեծ աշխարհին կապող տնտեսական կարևորագույն  զարկերակներից է «ՊԱՆԱՐՄԵՆԻԱՆ» միջազգային ցուցահանդեսը, որին մասմակցում են ավելի քան 100 կազմակերպություն Հայաստանից, Ռուսաստանից, Իրանից, Գերմանիաից և Իտալիայից»:

ՀՀ առևտրաարդյունաբերական պալատի նախաձեռնությամբ կազմակերպվող «ՊԱՆԱՐՄԵՆԻԱՆ» միջազգային ցուցահանդեսը վաղուց դարձել է մեր երկրի տնտեսությունը աշխարհին ներկայացնող յուրօրինակ այցեքարտ։

            «Սիրելի գործարարներ, ՀՀ առևտրաարդյունաբերական պալատը ձեր գործընկերն է, ուղեկիցը, ուսուցանողն ու օգնականը և պատրաստ է զորակցելու ցանկացած խնդրում։ Քայլե՛նք միասին, որ հեշտ լինի անցնելիք ճանապարհը»,– ելույթի ավարտին մասնակիցներին դիմեց ՀՀ առևտրաարդյունաբերական պալատի նախագահ Մարտին Սարգսյանը ։