ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌԵՎՏՐԱԱՐԴՅՈՒՆԱԲԵՐԱԿԱՆ ՊԱԼԱՏ

Facebook

Twitter

Linkedin

Youtube

Search
 

ՌԴ. Վոլոգդայի նահանգ – ՀՀ ԱԱՊ

ՌԴ. Վոլոգդայի նահանգ – ՀՀ ԱԱՊ

Դեկտեմբերի 7–ին տնտեսական կապերն առավել ծավալելու նպատակով ՀՀ առևտրաարդյունաբերական պալատ այցելեց Ռուսաստանի Դաշնության Վոլոգդայի նահանգապետի առաջին տեղակալ Ալեքսեյ Շեռլիգինը, աշխատակազմի ղեկավարի տեղակալ Եվգենի Կլիմանովը և արտաքին կապերի բաժնի առաջատար խորհրդատու Օլգա Սիլաևան։
Ալեքսեյ Շեռլիգինը շնորհանդեսով հանգամանորեն ներկայացրեց նահանգի բազմաճյուղ տնտեսությունը, որպես բեռնափոխադրումների և մայրուղիների կարևոր հանգույց, որտեղով անցնելու է Նոր Մետաքսի ճանապարհը։ Նա նաև նշեց, որ իրենց նահանգի փոքր և միջին բիզնեսի գրեթե 30 տոկոսը հայերի ձեռքին է, ովքեր ստեղծել են նահանգի ամենակազմակերպված և ամենամեծ համայնքը։
ՀՀ առևտրաարդյունաբերական պալատի գործադիր տնօրեն Անդրանիկ Ալեքսանյանը, ներկայացնելով բիզնես մթնոլորտը, նշեց, որ Հայաստանը նահանգի համար կարող է դառնալ տարանցիկ ճանապարհ դեպի Իրան և Արևելքի այլ երկրներ։

Երևանի առևտրաարդյունաբերական պալատի գործադիր տնօրեն Կարեն Մարտիրոսյանը, իբրև գործակցության զարգացման կարևոր քայլ, առաջարկեց սկսել տեսակոնֆերանսների և ապա ցուցահանդեսների կազմակերպումից։