ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌԵՎՏՐԱԱՐԴՅՈՒՆԱԲԵՐԱԿԱՆ ՊԱԼԱՏ

Facebook

Twitter

Linkedin

Youtube

Search
 

Հայ-սիրիական կապեր

Հայ-սիրիական կապեր

Հոկտեմբերի 14-ին ՀՀ առևտրաարդյունաբերական պալատի Գործադիր տնօրեն Անդրանիկ Ալեքսանյանը ընդունեց Հայաստանում Սիրիայի Արաբական Հանրապետության գործերի ժամանակավոր հավատարմատար Իսսամ Նայալին և հայ-սիրիական  գործարար խորհրդի համանախագահ, սիրիահայ գործարար Լևոն Զաքիին:

Հյուրերը ներկայացրեցին Սիրիայում տիրող իրավիճակը և առաջիկայում երկիրը ավերածություններից վերականգնելու մտահոգությունն ու դժվարությունները:

Անդրանիկ Ալեքսանյանը, արժևորելով հայ-սիրիական բարեկամության անցյալի ու ներկայի էջերը, մասնավորեց, որ հայերս, պատկերավոր ասած,  հոգու պարտք ունենք Սիրիայի ժողովրդի հանդեպ, որը 1915 թվականին հարազատի սրտացավությամբ ընդունեց Եղեռնից հրաշքով փրկված տասնյակ հազարավոր հայերի, որոնց ժառանգները այսօր Սիրիան համարում են իրենց երկրորդ Հայրենիքը:

Անդրանիկ Ալեքսանյանը պատրաստակամություն հայտնեց, որ Պալատը հնարավոր բոլոր քայլերը կգործադրի օգնելու բարեկամ Սիրիայի ժողովրդին: