ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌԵՎՏՐԱԱՐԴՅՈՒՆԱԲԵՐԱԿԱՆ ՊԱԼԱՏ

Facebook

Twitter

Linkedin

Youtube

Search
 

«ՇԻՆԱՐԱՐՈՒԹՅՈՒՆ ԵՎ ԻՆՏԵՐՅԵՐ-2017»

«ՇԻՆԱՐԱՐՈՒԹՅՈՒՆ ԵՎ ԻՆՏԵՐՅԵՐ-2017»

Մայիսի 19-ին «EREVAN EXPO» ցուցահանդեսային սրահում բացվեց «ՇԻՆԱՐԱՐՈՒԹՅՈՒՆ ԵՎ ԻՆՏԵՐՅԵՐ-2017» հոբելյանական 10-րդ միջազգային եռօրյա ցուցահանդեսը: Իր ելույթում ՀՀ առևտրարադյունաբերական պալատի նախագահ Մարտին Սարգսյանը, ողջունելով և շնորհավորելով մասնակիցներին, նշեց՝   «Կառուցելը մեր ժողովրդի գենետիկ ամենաբնորոշ հատկանիշներից է: Ժամանակի ընթացքում փոխվում են կառուցելու միջոցներն ու եղանակները, բայց իմաստը նույնն է՝ կառուցել ամուր ու հարմարավետ՝ չմոռանալով դիզայնի ու գեղեցկության, ազգային ու համաշխարհային շինարարական ավանդույթների և ոճի մասին: Համոզված եմ, որ այս ցուցահանդեսը ևս մեկ քայլ է ոլորտի զարգացման, հայ շինարարին արտաքին շուկաներ դուրս բերելու և արտերկրի գործարարներին ներգրավելու առումով»:

Հայաստանի և արտերկրի շուրջ 120 կազմակերպությունների ներկայացուցիչները Երևանում մեկտեղում են իրենց նվաճումները, սովորում միմյանցից, հարստանում նոր կապերով՝ մտածելով սեփականը ժամանակին համընթաց կատարելագործելու, այսօրվա մարդու մտքին, կենցաղին, ճաշակին և կյանքի արագ ռիթմին  ներդաշնակ կառուցելու մասին:

Մյուս բանախոսները ևս հաստատեցին այն իրողությունը, որ այս ցուցահանդես նույնպես առաջանցիկ մեկ քայլ է փոխգործակցության և նոր շուկաներ ձեռք բերելու ոլորտում:

Իր ելույթում Պարոն Սարգսյանը երախտագիտության խոսք ասաց հայաստանյան գործարարներին, ովքեր համաշխարհային մարտահրավերների, շրջափակման ու պատերազմական այս  իրավիճակում կարողանում են ապահովել մեր երկրի տնտեսական կենսագործունեությունը՝

«Որպես ցուցահանդեսի կազմակերպիչ՝ ՀՀ առևտրաարդյունաբերական պալատը, ինչպես միշտ, պատրաստակամ է զորակցելու հայաստանյան և արտերկրի գործարարներին հատկապես համատեղ ծրագրերի իրականացման գործում՝ հավատարիմ մնալով իր առաքելությանը՝ լինել գործարարի կողքին, աջակցել, ուսուցանել և մեծ բիզնեսում ներկայացնել հայրենական լավագույն արտադրանքը»:

Ցուցահանդեսի աշխատանքը կեզրափակվի մայիսի 21-ին: