Նորություններ

Ս.թ. նոյեմբերի 28-ին Եվրոպական կրթական հիմնադրամի աջակցությամբ «Արմենիա Մարիոթ» հյուրանոցում տեղի ունեցավ «Ձևավորե՛նք հմտություններ ապագայի համար» Աշխատանքի վրա հիմնված ուսումնառության ռազմավարությունը Հայաստանում խորագրով աշխատաժողով: Միջոցառմանը բացման խոսքով հանդես եկան Հայաստանում ԵՄ պատվիրակության համագործակցության բաժնի ղեկավարի տեղակալ Գրեգորի Ցուրիսը, ԵԿՀ քաղաքականության բաժնի ղեկավար Շավիե Մատեու դե Կորտադան, ԵԿՀ ՄԿՈՒ համակարգում մասնավոր հատվածի ներգրավման մասնագետ, Հայաստանի ծրագրերի համակարգող՝ Դիդիե Ժըլիբերը, ինչպես նաև ՀՀ ԿԳՄՍ նախարարության նախնական և միջին մասնագիտական կրթության վարչության պետ Արտակ Աղբալյանը: Միջոցառման նպատակն էր քննարկել Հայաստանում՝ աշխատանքի վրա հիմնված ուսումնառության ներդրման նախադրյալները, փոխանակվել այդ բնագավառի առկա փորձը և մշակել հետագա գործողությունների ճանապարհային քարտեզը: ՀՀ առևտրաարդյունաբերական պալատի ներկայացուցիչ Մարիա Թորոսյանը պանելային քննարկման ընթացքում...

25 Նոյեմբերի 2019

Sticky

Հայաստան-Ինդոնեզիա

Posted by armcc55

Նոյեմբերի 25-ին ՀՀ առևտրաարդյունաբերական պալատը հյուրընկալեց ինդոնեզական պատվիրակության՝ Հայաստանում Ինդոնեզիայի Հանրապետության դեսպան Յուդի Կրիսնանդիի գլխավորությամբ (նստավայրը Կիև, Ուկրաինա): Պարոն դեսպանը հանդիպման հենց սկզբում գոհունակությամբ նշեց՝ «Ես համոզված եմ, որ նոր կառավարության օրոք Հայաստանը կունենա լուրջ առաջընթաց: Կարևոր չէ, թե Ինդոնեզիան ունի 260 միլիոն բնակիչ, իսկ Հայաստանը՝ 3 միլիոն: Էականն այն է, թե ինչպես ենք համագործակցում: Ես ուսումնասիրել եմ Ձեր ժողովրդի պատմությունը և շատ բան գիտեմ: Համոզված եմ, որ այս հանդիպումը համագործակցության զարգացման խթան կդառնա»: Դեսպանությունը, Կառավարությունից բացի, իր հերթին աջակցելու է համագործակցության ցանկացած առաջարկի: Ինդոնեզացի հյուրերին հետաքրքրեց համագործակցել հատկապես տուրիզմի ոլորտում, թեև նախապայմաններ կան նաև գյուղատնտեսության և այլ ոլորտներում էլ գործակցելու:...

20 Նոյեմբերի 2019

Sticky

Հայ-էստոնական գործարար համաժողով

Posted by user454

Նոյեմբերի 19-ին ՀՀ առևտրաարդյունաբերական պալատում տեղի ունեցավ Հայ-էստոնական գործարար համաժողով: Այն կազմակերպել էին Հայաստանի և Էստոնիայի առևտրաարդյունաբերական պալատները: Բացման խոսքում Հայաստանի Էկոնոմիկայի նախարարի տեղակալ Արման Հովնանյանը նշեց, որ երկկողմ հարաբերությունների կայուն զարգացումը բնականաբար արգասաբեր են երկու երկրների միջև հետագա առավել խորը համագործակցության համար և հույս հայտնեց, որ գործարար համաժողովը կնպաստի կոնկրետ միասնական ծրագրերի առաջ քաշմանը։ ՀՀ առևտաարդյունաբերական պալատի գործադիր տնօրեն Անդրանիկ Ալեքսանյանը հավելեց, որ առկա են հստակ համագործակցության ոլորտներ երկու երկրների գործարար համայնքների միջև և պետք է փորձել քայլեր կատարել այս ոլորտներում։ Հանդիպմանը ներկա էր նաև Էստոնիայի Հանրապետության ԱԳ նախարարի տեղակալ Անդրես Ռունդուն, ով իր խոսքում նախ շնորհակալություն հայտնեց երկու երկրների առևտրաարդյունաբերական...

06 Նոյեմբերի 2019

Sticky

Հայ-լեհական կապեր

Posted by armcc55

Նոյեմբերի 5-ին ՀՀ առևտրաարդյունաբերական պալատ այցելեց Լեհաստանի աևտրի և ներդրումների ներգրավման գործակալության (PAIH) պատվիրակությունը՝ Արևելյան շուկաների տարածքային կառավարիչ Դավիդ Ցեցուդանի գլխավորությամբ: Կառույցի հիմնական առաքելությունն է ավելացնել օտարերկրյա ուղղակի ներդրումների ներհոսքը դեպի Լեհաստան և նպաստել լեհական ձեռնարկությունների միջազգայնացմանը՝ այդ թվում խրախուսելով լեհական ներդրումները աշխարհի տարբեր երկրներում: Կառույցն իր գործունեությունն իրականացնում է ներկայացուցչությունների միջոցով: Դրանք գործում են նաև Վրաստանում ու Ադրբեջանում: Այս այցով նրանք իրենց հետաքրքրվածությունն ու մտադրություններն արտահայտեցին Հայաստանի ու նրա տնտեսության նկատմամբ: Պատվիրակության կազմում էին նաև Լոձում ՀՀ պատվո հյուպատոսության աշխատանքների համակարգող Գոռ Օրդյանը, «ԱՈՒՏՈՍԱՆ» ընկերության նախագահ Էուգենուշ Շիմոնիկը և ՀՀ էկոնոմիկայի նախարարության ներկայացուցիչ Ալինա Եղիազարյանը և այլոք: Հայկակական կողմից հանդիպմանը...

31 Հոկտեմբերի 2019

Sticky

Եթովպիայի դեսպանը ՀՀ ԱԱՊ-ում

Posted by armcc55

Հոկտեմբերի 30-ին Եթովպիայի Ֆեդերատիվ Դեմոկրատական Հանրապետության արտակարգ և լիազոր դեսպան Ալեմայեխու Տեգենուն այցելեց ՀՀ առևտրաարդյունաբերական պալատ: Նոր պաշտոնավարման առիթով նրան շնորհավորեց ՀՀ առևտրաարդյունաբերական պալատի գործադիր տնօրեն Անդրանիկ Ալեքսանյանը և համառոտակի ներկայացրեց Հայաստան-Եթովպիա առևտրային հարաբերությունների առկա մակարդակը, Հայաստանում նոր տնտեսական իրավիճակը և համատեղ բիզնեսն ակտիվացնելու անհրաժեշտությունը: Նորանշանակ դեսպանը ևս հավաստեց, որ առևտրաշրջանառության առկա մակարդակը դեռև չի գոհացնում երկու կողմերին էլ, և անհրաժեշտ է լիարժեք օգտագործել եղած հնարավորությունները: Պարոն Ալեքսանյանը նշեց, որ ինչ ոլորտներում կան փոխադարձ հետաքրքրություններ, և հայաստանյան որ ապրանքները կարող են եթովպական շուկա դուրս գալ: Պարոն դեսպանը ևս պատրաստակամություն հայտնեց աջակցել տնտեսական կապերի ակտիվացման և համատեղ ծրագրերի իրականացման գործում:...

31 Հոկտեմբերի 2019

Sticky

ԱՊՀ պալատների ղեկավարների խորհրդի նիստ

Posted by armcc55

Հոկտեմբերի 29-ին Մոսկվայում կայացավ ԱՊՀ առևտրաարդյունաբերական պալատների ղեկավարների խորհրդի 12-րդ նիստը, որին մասնակցում էր և ելույթ ունեցավ ՀՀ առևտրաարդյունաբերական պալատի նախագահ Մարտին Սարգսյանը: Նիստի թեման առավել քան կարևոր էր և օրախնդիր: Ողջույնի խոսքով հանդես եկավ ԱՊՀ պալատների ղեկավարների խորհրդի նախագահ Սերգեյ Կատիրինը՝ մասնավորելով քննարկվող հարցի կարևորությունը: ՀՀ առևտրաարդյունաբերական պալատի նախագահ Մարտին Սարգսյանը իր ելույթում նշեց, որ արդի պայմաններում տնտեսության զարգացման գործում առանձնահատուկ է պալատների դերը: Նա մասնավորեց՝ «Մեր հիմնական նպատակը պալատների դերի բարձրացումն է հատկապես փոքր և միջին բիզնեսի համատեղ ինովացիոն զարգացման, աջակցման, պաշտպանության գործում: Խնդիրը վերաբերում է ցուցահանդես-տոնավաճառների գործունեության ծավալմանը, տեղեկատվական միասնական հարթակի ձևավորմանը, բիզնեսում թվային ծառայությունների զարգացմանը,...

30 Հոկտեմբերի 2019

Sticky

Հանդիպում Հունգարիայում

Posted by armcc55

Նախորդ շաբաթ տեղի ունեցավ բիզնես նախաճաշ-հանդիպում Հունգարիայում ՀՀ առևտրաարդյունաբերական պալատի ներկայացուցիչ Ա.Կ. Ուդումյանի և Հունգարիայի Ձեռնարկատերերի միության առաջատար անդամների հետ: Ներկայացվեցին Հայաստանի տնտեսական հնարավորությունները և ներդրումային միջավայրը: Երկխոսության ձևաչափով քննարկվեցին հայաստանյան բիզնեսների հետ գործարար կապերի հաստատման հնարավորությունները:...

29 Հոկտեմբերի 2019

Sticky

Հայ-կորեական գործարար համաժողով

Posted by armcc55

Հոկտեմբերի 28-ին Երևանի DoubleTree by Hilton հյուրանոցի «Միլանո» սրահում տեղի ունեցավ հայ-կորեական գործարար համաժողով, որը կազմակերպել են ՀՀ առևտրաարդյունաբերական պալատը և Կորեայի առևտրային և ներդրումային զարգացման գործակալությունը (KOTRA): Մասնակցեցին նաև պետական պաշտոնատար անձիք և բարձրաստիճան դիվանագետներ: Գործարար համաժողովը վարում էր ՀՀ առևտրաարդյունաբերական պալատի գործառնական տնօրեն Վլադիմիր Ամիրյանը, ով իր բացման խոսքում ներկայացրեց, որ հայ-կորեական տնտեսական կապերի զարգացման առումով երկու երկրների առևտրաարդյունաբերական պալատների միջև նախկինում ստորագրվել է համագործակցության հուշագիր, իսկ Պալատի գործադիր տնօրեն Անդրանիկ Ալեքսանյանը նշեց, որ առաջիկա քայլերը պետք է լինեն առավել ակտիվ փոխայցելությունները, ցուցահանդեսների, ֆորումների կազմակերպումն ու նոր կապերի հաստատումը: Հայաստանում Կորեայի դեսպան Լի Սոկ-Բաեն կարևորեց հայ-կորեական տնտեսական կապերի ակտիվացումը...

21 Հոկտեմբերի 2019

Sticky

Հայ-հնդկական գործարար համաժողով

Posted by user454

Հոկտեմբերի 21-ին Հոլիդեյ ին հյուրանոցում տեղի է ունեցել հայ-հնդկական գործարար համաժողով, որին մասնակցում էին պետական և մասնավոր հատվածի ներկայացուցիչներ, դիվանագետներ, ինչպես նաև գործարարությանն աջակցող կազմակերպություններ։ Քննարկվել է ՀՀ տնտեսության ներդրումային գրավչությունը, ներկայացվել են գերակա և զարգացող ուղղությունները, ինչպես նաև Հնդկաստանից առաջիկայում սպասվող ներդրումները։ Հանդիպման ավարտին ՀՀ առևտրաարդյունաբերական պալատը փոխըմբռնման հուշագիր ստորագրեց Հնդկական տնտեսական առևտրի կազմակերպության հետ։...

16 Հոկտեմբերի 2019

Sticky

Հայաստան-Չիլլի տնտեսական կապեր

Posted by user454

Հոկտեմբերի 11-ին ՀՀ առևտրաարդյունաբերական պալատ էին այցելել Չիլիի Հանրապետության արտաքին գործերի միջազգային տնտեսական հարաբերությունների հարցերով նախարարի տեղակալ Ռոդրիգո Յանես Բենիտեսը, Հայաստանում Չիլիի արտակարգ և լիազոր դեսպանի, Հայաստանում Չիլիի հյուպատոսի և այլ պաշտոնյաների հետ։ ՀՀ առևտրաարդյունաբերական պալատի գործադիր տնօրեն Անդրանիկ Ալեքսանյանը ողջունեց հյուրերին, ներկայացրեց Հայաստանի տնտեսական միջավյրի գործոնները և գործարարությամբ զբաղվելու հնարավորությունները։ Հյուրերին նա տեղեկացրեց, որ հանրապետությունում կատարվել են նաև տնտեսական բարեփոխումներ։ Եվ մեր պետությունը թեև անդամակցում է Եվրասիական տնտեսական միությանը, բայց միաժամանակ շարունակում է գործակցել նաև Եվրամիության հետ։ Պարոն Ալեքսանյանը ներկայացրեց նաև արտոնությունների GSP և GSP+ համակարգերը և թե ինչպես Չիլլին կարող է օգտվել : ՀՀ առևտրաարդյունաբերական պալատի գործառնական տնօրեն Վլադիմիր...