Նորություններ

Օգոստոսի 15-ին ՀՀ առևտրաարդյունաբերական պալատում կայացավ Փոքր և միջին ձեռնարկատիրության (ՓՄՁ) վերաբերյալ Գործարար Շահերի Պաշտպանության Ցանցի (ԳՇՊՑ) կողմից կազմած առաջարկությունների քննարկում, որին մասնակցում էր նաև ՀՀ տնտեսական զարգացման և ներդրումների նախարարի տեղակալ Հակոբ Ավագյանը: Առկա հիմնախնդիրների և դրանց լուծման վերաբերյալ դիրքորոշում արտահայտող այս փաստաթղթում ներառված են մոտեցումների ութ կարևոր կետեր: Դրանք վերաբերում են հիմնախնդիրների օրենսդրական կարգավորման, ֆինանսական մեխանիզմների, մարկետինգի և արտահանման աջակցության, մրցունակության բարձրացման, հանրային գնումներին ՓՄՁ սուբյեկտների մասնակցության մեխանիզմների, ոլորտի պաշտոնական վիճակագրության վարման, տեղեկատվական և կրթական աջակցության և ձեռնարկության լուծարման ընթացակարգերի կատարելագործմանը: ՀՀ առևտրաարդյունաբերական պալատի գործադիր տնօրեն Անդրանիկ Ալեքսանյանը արժևորեց ՓՄՁ ոլորտում բարեփոխումների կարևորությունը և շեշտեց...

07 Մարտի 2018

Sticky

Նոր մաքսային օրենսգրքի ներկայացում

Posted by user454

Մարտի 7-ին ժամը ՀՀ առևտրաարդյունաբերական պալատում տեղի ունեցավ ԵԱՏՄ Մաքսային օրենսգրքի վերաբերյալ սեմինար-քննարկում, որը ուժի մեջ է մտել 2018 թ. հունվարի 1-ից: Մաքսային Նոր օրենսգրքի ուժի մեջ մտնելուն պես անհրաժեշտություն է առաջացել գործարար միջավայրի ներկայացուցիչներին ներկայացնել նոր օրենսգրքի կետերը: Պետություն-մասնավոր հատված համագործակցության շրջանակներում ՀՀ առևտրաարդյունաբերական պալատը և ՀՀ ԿԱ Պետական եկամուտների կոմիտեն նախաձեռնել էին գործարար հանդիպում-քննարկում Մաքսային նոր օրենսգրքի վերաբերյալ: Մաքսային Նոր օրենսգիրքը պարունակում է մի շարք նոր դրույթներ, որոնք պետք է զգալիորեն պարզեցնեն արտաքին տնտեսական գործունեություն իրականացնող մասնակիցների աշխատանքը՝ դրանով իսկ խթանելով տնտեսության և առևտրի զարգացումը: Ակնկալվող դրական ազդեցությունների թվում են՝ արտահանման աճը և ներմուծվող ապրանքների մատակարարման պարզեցումը, ինչպես նաև միջազգային լավագույն...

06 Մարտի 2018

Sticky

Հայաստան – Բրազիլիա

Posted by user454

Մարտի 6-ին ՀՀ առևտրաարդյունաբերական պալատը հյուրընկալեց Հայաստանում Բրազիլիայի արտակարգ և լիազոր դեսպան Աժեմար դե Մենդոնսա Սանկտոսին և փոխդեսպան Ֆիլիպե Օրտեգային: Պարոն դեսպանը նշեց, որ հայկական շատ ապրանքներ Բրազիլիա են հասնում ոչ ուղղակի կապով և բնականաբար բարձր ինքնարժեքով: Հարկավոր է զարգացնել անմիջական կապերը: Իսկ ապրիլի 18-ին Հայաստան է ժամանելու բրազիլացի գործարարների խումբ, որն անմիջական հանդիպումներով կծանոթանա հայկական շուկային և համագործակցության ծավալման հնարավորություններին: ՀՀ առևտրաարդյունաբերական պալատի գործադիր տնօրեն Անդրանիկ Ալեքսանյանը, Աշխատակազմի ղեկավար Արայիկ Վարդանյանը և Միջազգային համագործակցության վարչության պետ Վլադիմիր Ամիրյանը պատրաստակամություն հայտնեցին ըստ ամենայնի աջակցելու հանդիպումը կազմակերպելու և նոր գործարար կապեր հաստատելու գործում: ...

05 Մարտի 2018

Sticky

Հայաստան-Հարավաֆրիկյան Հանրապետություն

Posted by user454

Մարտի 5-ին ՀՀ առևտրաարդյունաբերական պալատի գործադիր տնօրեն Անդրանիկ Ալեքսանյանը ընդունեց Հայաստանում Հարավաֆրիկյան Հանրապետության արտակարգ և լիազոր դեսպան Քրիստիան Բասոնին: Պարոն Ալեքսանյանը հյուրին ներկայացրեց հայկական կողմի հետաքրքրությունները և տնտեսական կապերի առավել զարգացման հնարավորությունները՝ մասնավորապես ընդգծելով, որ Հայաստանի ամենամրցունակ ապրանքը մարդկային գործոնն է: Պարոն դեսպանը նշեց, որ համագործակցության զարգացման անհրաժեշտ պայմանները կան հատկապես ադամանդագործության, տուրիզմի և այլ ոլորտներում: Հանդիպմանը մասնակցում էին նաև ՀՀ ԱԱՊ աշխատակազմի ղեկավար Արայիկ Վարդանյանը և Միջազգային համագործակցության վարչության պետ Վլադիմիր Ամիրյանը: Տեղեկանք երկկողմ առևտրատնտեսական հարաբերությունների մասին...

20 Փետրվարի 2018

Sticky

Կլոր սեղան-քննարկումներ Հայաստանի 5 մարզերում

Posted by user454

2018թ-ի հունվար և փետրվար ամիսներին, Գործարար շահերի պաշտպանության ցանցը և ներքոհիշյալ մարզերում գործող առևտրաարդյունաբերական պալատները Արագածոտնում, Կոտայքում, Շիրակում, Տավուշում և Լոռիում կազմակերպել էին Հարկային, Տեսչական և ՓՄՁ քաղաքականության վերաբերյալ մարզային կլոր-սեղան քննարկումներ: Մարզային կլոր սեղան-քննարկումներին մասնակցել են շուրջ երկու հարյուր գործարար համայնքի ներկայացուցիչներ: Բանախոսները մասնակիցներին ներկայացնել էին հարկային, տեսչական և ՓՄՁ քաղաքականության ոլորտում իրականացվող փոփոխությունները, ինչպես նաև փորձագետների և մասնակիցների միջև ծավալված քննարկումների արդյունքում վեր են հանվել հիշյալ ոլորտներում առկա մի շարք խնդիրներ: Տնտեսվարողների կողմից ներկայացված և առավել քննարկված հարցերին էին՝ ՀԴՄ կտրոներով ծախսերի ճանաչումը, Շրջանառության հարկի շեմը, ՓՄՁ սուբյեկտների համար վարկային միջոցներից օգտվելու դժվարությունները՝ պայմանավորված դրանց կարճաժամկետայնությամբ, գրավադրման խիստ պահանջներով...

20 Փետրվարի 2018

Sticky

Հայ-լեհական միջկառավարական հանձնաժողովի նիստ Վարշավայում

Posted by user454

Ս.թ. փետրվարի 20-ին Լեհաստանի մայրաքաղաք Վարշավայում կայացել է հայ-լեհական միջկառավարական հանձնաժողովի նիստը, որին մասնակցել են 2 երկրների դեսպանները, համապատասխան գերատեսչությունների և գործարար համայնքի ներկայացուցիչներ: Նիստի շրջանակներում Լեհաստանի առևտրի պալատի նախաձեռնությամբ ՀՀ առևտրաարդյունաբերական պալատի հետ համատեղ կազմակերպվել է նաև հայ-լեհական B2G ֆորմատով գործարար-համաժողով: Շուրջ 100 լեհական մասնակից կազմակերպությունները ծանոթացել են Հայաստանի և Լեհաստանի միջև առևտրաշրջանառության մակարդակին, ներդրումային հնարավորություններին, ՀՀ-ում գործարարության առանձին ոլորտներին և երկկողմ համագործակցության առավելություններին: Տեղի են ունեցել առանձին հանդիպումներ լեհական գործարար համայնքի ներկայացուցիչների հետ, որոնց արդյունքում ձեռք են բերվել հստակ պայմանավորվածություններ: Միջկառավարական նիստի շրջանակներում ՀՀ առևտրաարդյունաբերական պալատը անդրադարձել է հայ-լեհական առևտրային կապերին, 2 երկրների միջև առևտրաշրջանառության թվերի վերլուծությանը և լեհական առևտրի պալատի...

12 Փետրվարի 2018

Sticky

Հայ-բուլղարական կապեր

Posted by user454

Փետրվարի 12-ին ՀՀ առևտրաարդյունաբերական պալատ այցելեցին Բուլղարիայի առևտրաարդյունաբերական պալատի անդամ, Պալատին կից Արբիտրաժային դատարանի նախագահության անդամ Իվայլո Դերմենջիեվը, Փոքր և միջին բիզնեսի միջազգայնացման դեպարտամենտի ղեկավար, դոկտոր Բորիանա Միտչևան և Հայաստանի զարգացման հիմնադրամի մենեջեր Ալինա Եղիազարյանը: ՀՀ ԱԱՊ գործադիր տնօրեն Անդրանիկ Ալեքսանյանը ներկայացրեց հայ-բուլղարական կապերի մակարդակը և գործակցության ոլորտները: ՀՀ ԱԱՊ –ին կից Արբիտրաժային դատարանի նախագահ Արտաշես Կակոյանը խոսեց դատարանի գործառույթների և կապերի զարգացման հնարավորությունների մասին: Պալատի արտաքին կապերի վարչության պետ Վլադիմիր Ամիրյանը և Պալատի աշխատակազմի ղեկավար Արայիկ Վարդանյանը անդրադարձան համագործակցության հուշագրի ստորագրման և այլ խնդիրներին:...

02 Փետրվարի 2018

Sticky

Հայաստան-Մեքսիկա

Posted by user454

Փետրվարի 2-ին ՀՀ առևտրաարդյունաբերական պալատ այցելեց Հայաստանում Մեքսիկայի դեսպան Նորմա Պենսադոն: Նրան ընդունեց Պալատի գործադիր տնօրեն Անդրանիկ Ալեքսանյանը՝ ներկայացնելով հայ-մեքսիկական գործարար կապերի մակարդակը, դրանք ծավալելու և զարգացնելու հնարավորությունները: Տիկին դեսպանը կարևորեց հատկապես տուրիզմի ոլորտում համագործակցությունը՝ տեղեկացնելով, որ 2017 թվականին Մեքսիկան ընդունել է շուրջ 17 միլիոն տուրիստ: Մեքսիկացի դիվանագետը խոսեց նաև բարձր տեխնոլոգիաների, ալտերնատիվ էներգետիկայի ոլորտներում գործակցության մասին: Անդրանիկ Ալեքսանյանը, որպես առաջնահերթ քայլ, կարևորեց երկու պալատների միջև համագործակցության հուշագրի ստորագրումը:...

24 Հունվարի 2018

Sticky

Հայ-իրաքյան տնտեսական կապեր

Posted by user454

Հունվարի 24-ին Հայաստանում Իրաքի գործերի ժամանակավոր հավատարմատար դոկտոր Ալիմա Մ. Սալմանը ընդունեց ՀՀ առևտրաարդյունաբերական պալատի գործարար մի հանձնախմբի: Հանդիպումը նախաձեռնել էր ՀՀ առևտրաարդյունաբերական պալատի նախագահի խորհրդական, «Գործարար կանանց աջակցման հիմնադրամ» հասարակական կազմակերպության նախագահ Լիլիա Գևորգյանը, ով բարձրաստիճան դիվանագետին ներկայացրեց մասնակիցների գործարար ոլորտները և գործակցության հնարավորությունները: Դոկտոր Ալիմա Մ. Սալմանը կարևորեց այսպիսի հանդիպումների նշանակությունը և խնդրեց գործարար առաջարկությունները ներկայացնել գրավոր ու հիմնավորված: Նա միաժամանակ նշեց, թե հայ-իրաքյան տնտեսական կապերի ոլորտում այսօր որոնք են առաջնահերթ քայլերը, և վստահեցրեց, որ դեսպանատունը ըստ ամենայն կաջակցի նման կապեր զարգացմանը:...

25 Դեկտեմբերի 2017

Sticky

Շնորհակալագրերի հանձնում

Posted by user454

Ս.թ. դեկտեմբերի 25-ին ՀՀ Առևտրաարդյունաբերական պալատում կայացավ ՀՀ ԱԱՊ-ի և «Գործարար կանանց աջակցման բիզնես-կենտրոն» հիմնադրամի կողմից 2017թ. ընթացքում համագործակցող կազմակերպություններին շնորհակալագրերի հանձնման արարողությունը: Միջոցառմանը հրավիրված էին ավելի քան հիսուն գործարար՝ կին և երիտասարդ ձեռներեցներ, որոնք ներկայացնում էին արտադրության, ծառայությունների մատուցման, բշկության, կրության, զբոսաշրջության և այլ ոլորտները: Մասնակիցներին ողջունեցին և շնորհավորական խոսքով հանդես եկան ՀՀ ԱԱՊ նախագահի խորհդական, «Գործարար կանանց աջակցման բիզնես-կենտրոն» հիմնադրամի նախագահ Լիլիա Գևորգյանը և ՀՀ ԱԱՊ նախագահի խորհրդական, ՀՀ ԱԱՊ Երիտասարդ գործարարների խորհրդի ղեկավար Անժելիկա Բարսեղյանը: Որպես պատվավոր հյուր, հրավիրված էր ՀՀ ԱԱՊ նախագահության անդամ Սեյրան Մաթևոսյանը, ով իր ողջույնի խոսքում նշեց կանանց ձեռնարկատիրության դրական կերպարը և մաղթեց...